КъМКъУ-ну алимлери проектлери бла шагъырей этгендиле

Къабарты-Малкъар къырал университетни бирикдирилген лабораториясыны тамата илму къуллукъчусу Анна Вересникова бла Менеджментни, туризмни эм къонакъ алыу индустрия институтуну директору Рамазан Лигидов КъМР-ни курортла эм туризм министри Аскер Бифов бла тюбешгендиле. Аны юсюнден вузну пресс-службасы билдиреди.

Тюбешиуде Басхан ауузундагъы нейтрино обсерваторияда илму туризмни айнытыуну амалларын сюзгендиле. Анна Вересникова билдиргеннге кёре. РАН-ны Ядерный тинтиуле институтуту илмуну билим бериу эм турист программалагъа кийириуню тюзге санайды.

- Бахсан ауузундагъы нейтрино обсерваторияча экинчиси Россейде жокъду. Анда бардырылгъан сейир тинтиуле бюгюнлюкде жаш тёлюге сейир боллукълары хакъды. Университетни РАН бла биригип ишлеуюню хайыры да уллуду. Бу ызны айнытыу а илмугъа бла туризмге уллу къошумчулукъ боллукъду, - деп чертгенди тюбешиуде Анна Васильевна.

   Рамазан Лигидов а аланы Инстиутуда жарашдырылгъан Бахсан ауузундагъы нейтрино обсерваторияны программалары бла келишген турист маршрутла бла шагъырей этгенди.

  Аскер Бифов илму туризмни айнытыу министерствону айныу программалары бла толусунлай келишгенин чертгенди. Дагъыда ол быллай башламчылыкъла регионнга келип солургъа сюйгенлени санын кёбейтирге да себеп боллукъларын айтып, вузну келечилерини проектлерине федерал даражада да билеклик этерге сёз бергенди.

- Быллай ишле жаш тёлюню илмугъа сейирин ёсдюрлюгю хакъды. Андан сора да туризм бла илму байламлыкъда ишлесе да хайыры уллу боллукъду, - дегенди Аскер Анатольевич.