Окъуугъа киргенде - себеп

 Къабарты-Малкъар къырал университетде окъуучуланы 13-чю ачыкъ олимпиадалары къуралгъанды. Университет абадан классланы келечилерини араларында олимпиаданы жыл сайын бардырады, быйыл анда билимлерин эки мингден аслам сабий сынагъандыла.

Олимпиадагъа бизни республикадан, Къарачай-Черкесден, Чеченден, Ингушетиядан, Ставрополь крайдан бла Шимал Осетиядан жаш адамла келгендиле. Университетни вузгъа дери хазырланыу эм усталыкъ сайларгъа болушуу бёлюмюню башчысы Альбина Виндижева белгилегенича, сынаулагъа къатышыргъа сюйгенлени саны жылдан-жылгъа ёсе барады, бу жол эсепге эки минг тёрт тюз инсан тюшгендиле. Сынаула предметлени барысындан да ётдюрюледиле. Эм кёп адам математикадан, биологиядан, химиядан, информатикадан, орус тилден бла адабиятдан сынауланы сайлагъандыла.

Хорлагъанлагъа усталыкъ билим алыргъа окъуугъа киргенде бир къырал эказменнге 10 балл къошулурукъду, саугъа жерге чыкъгъанлагъа – бешишер. Олимпиаданы эсеплери мартны ахырында белгили боллукъдула, ала вузну сайтында жазыллыкъдыла, мектеплеге да жиберилликдиле.