Малгъа, адамгъа да жукъгъан ауруу

Силегей (ящур) тууарлгъа, ууакъ маллагъа, чычханла эм башха жаныурлагъа да жукъгъан аурууду. Ол малланы жюнлеринде  тёрт, кийимде уа 3,5  чакълы  ыйыкъны сакъланады. Ауруу башланнган заманда  организмни ууландырады эм  ауузну  бла терини юсю чагъадыла.

Ол  саусуз хайыуанладан  жугъады, кёбюсюнде тууарладан, ууакъ малладан эм тонгузладан. Андан  кийикле, маралла, сайгакла  да къыйналадыла. Сютде - 25-30 сагъат , жауда  2 эки ай, къыймада бла къакъ этде  50 кюн, тюкюрюкде бла жюнде 1-3 ай, бузлагъан  этде уа  687 кюн сакъланады.  Аны къурутур ючюн,  кюнде неда къайнар сууда 5 минут тутаргъа тийишлиди.

Силегей  тинтилсе,  созмай ауругъан малланы бирсиледен айырыргъа эм башхалагъа къошулмазча  бегитирге  керекди. Алагъа бакъгъанла да  башхала бла байлыкъ жюрютмезча онг къуаргъа тийишлиди. Ызы бла ауруу жайылмазча аны жукъдургъан шартны  фермада, элде болсада, табаргъа борчлуду. 

Малла багъылгъан заманда ауруу жайылмазча дайым къаты контроль этиледи. Эт эм сют продукция да     дезинфекцияны  ётерге эм ветеринарны эркинлиги бла  сатылыргъа боллукъдула. Россельхознадзорну Шимал-Кавказда регионла  аралы управленисындан билдиргенлерича, ауруу  кенг жайылмазча профилактика халда дарман салынады.

Бу жаны бла бир тюрлю сорууу болгъан сагъынылгъан управлениягъа билдирирге борчлуду. Аны адреси: Нальчик шахар, Ленин атлы орам 5-4-чю номерли юй. Телефон номери: 8(8662) 77-81-94.