Миллетни саулугъуну, налогланы юслеринден да хапарлы болгъандыла

Сюд приставланы федерал службасыны КъМР-де Управлениясында «Билим» россейли биригиуню келечилери бла кезиулю тюбешиу болгъанды, деп билдиргендиле бизге ведомствону пресс-службасындан.

Бу жол сюд приставла «Саулукълу миллет: ахшы тёреледен къырал программалагъа дери» эм «Льготала бла налог вычетле» жаны бла билим  алгъандыла. Лекция бла Битеуроссей халкъ фронтну КъМР-де регион бёлюмюнде жаш тёлю проектлерин жашауда бардырыугъа жууаплы Ярослав   Галинский сёлешгенди эмда приставланы сорууларына жууапла бергенди.

Эсигизге салайыкъ, «Билим»  биригиу къырал къуллукъчулагъа ангылатыу форумланы битеу субъектледе да бардырады. Тюбешиуле форум эм мастер-класс халда къураладыла. Алагъа къатышханла профессионал сынауларын ёсдюредиле, психология, тарых, геополитика жаны бла билимлерин игилендиредиле.