Сауутланы кеси ыразылыкълары бла бергенлеге – ахча саугъа

19 марта, 2025 - 09:51

Къабарты-Малкъар Республикада  «Право бузукълукъланы болдурмау эмда жамауат низамлыкъны бла къоркъуусузлукъну жалчытыу»   къырал программа жашауда бардырылады. Ол 2021-2025 жыллагъа деп жарашдырылгъанды эмда 2020 жылны 31 августунда  КъМР-ни Правительствосуну 191-ПП номерли бегими бла къабыл кёрюлгенди.

Бегимни 1.3-чю пунктунда  аскер сауутланы, алагъа кереклени, чачдырылыучу, чачылыучу да затланы законсуз сакълагъан адамла аланы кеслери ыразылыкълары бла тийишли органлагъа берирча мадарла да киредиле. Алай этгенлеге республикалы бюджетден ахча саугъа берирге да белгиленеди. Ахчаны Къабарты-Малкъар Республиканы Урунуу эмда социал къоруулау министерствосу КъМР-ни Правительствосуну 2014 жылны 9 июлунда чыгъарылгъан 148-ПП номерли бегимине тийишлиликде тёлейди.

 Къабарты-Малкъар Республикада МВД-ны башламчылыгъы бла эмда Къабарты-Малкъар Республиканы Правительствосуну 2024 жылны 27 декабринде чыгъарылгъан 216-ПП номерли бегимине кёре  законсуз сакъланнган эмда жюрютюлген сауутланы, алагъа кереклени, чачдырылыучу, чачылыучу да затланы кеси ыразылыкълары бла берген адамлагъа тёленирик ахчаны ёлчеми 5 кереге кёбейтиледи.

Эсгертиу: законсуз сакъланнган эмда жюрютюлген сауутланы, алагъа кереклени, чачдырылыучу, чачылыучу да затланы ахча ючюн тийишли органнга берирге сюйгенле аны юсюнден Россейни МВД-сыны жууукъдагъы ич ишле органына неда полицияны уполномоченный участковыйине билдирирге боллукъдула.

Сауутланы кеси ыразылыкълары бла бергенлери ючюн ахча саугъагъа Россей Федерацияны 18 жыл толгъан, Къабарты-Малкъар Республиканы жеринде жашагъан, регистрациялары да анда болгъан инсанла тийишлидиле.

Тёленирик ахча инсанланы кредит организациялада ачылгъан энчи лицевой счётларына ётдюрюледи неда почталада бериледи.

Сауутланы кеси ыразылыкълары бла бергенлеге – ахча саугъа

Сауутланы, алагъа кереклени           Тёленирик ахчаны ёлчемлери чачдырылыучу затланы атлары

Керохла                                                                                              30 000
Автомат                                                                                              52 500
Пулемёт                                                                                             60 000
ГП-25 и ГП-30 гранатомётла                                                           37 500
РПГ-7, 7В и 27 гранатомётла                                                         33 000
Бир кере атдырыргъа РПГ-18, 22, 26, 27 гранатомётла            30 000
 СВД ушкок                                                                                    60 000
Керох-пулемёт                                                                              37 500
Уугъа барырча ушкок                                                                  15 000
Уугъа барырча сыйдам быргъылы ушкок                                 9 000
Газ керохла                                                                                  3 000
Къолдан ишленнген керохла                                                     15 000
Адам кеси къурашдырылгъан атдырыучу сауут                      1 500
Чачдырылыучу зат (тротил, пластид, аммонит,
аммонал эмда башхала) бир грамм ючюн                                15
Чачылыучу зат ( ол санда ВВ эмда СВ къошулгъан зат)         10 500
Чачдыргъан зат (электродетонатор, капсюль-детонатор,
взрыватель – хар бири, от эмда ток ётдюрген
баула – метрле бла)  бири ючюн                                                600
Штатдагъы аскер керекле (топ окъла)                                      6 000
РПГ-гъа окъла                                                                            7 500
От бюркдюрген РПО-А                                                             30 000
Гранатомётну атдырыучусу (ВОГ-30, 25, 25П)                       7 500
Гранат (Ф-1, РГО, РГН, РКГ-ЗЕМ, РГ-42)                                 6 000
Инженер мина (сапёр минала)                                                 3 000
Атдырыучу сауутха окъла бла керекле – хар бири ючюн      30
  • 12 просмотров
Поделиться: