Къыйын ауругъанлагъа – танг болушлукъ

Онкология диспансерде бийик технологиялы операцияланы саны ёсгенди, деп билдиредиле республиканы Саулукъ сакълау министерствосундан.

Бу операцияланы кезиулеринде уллу опухольла кетериледиле. Аланы этерге онг «Саулукъ сакълау» миллет проектни чегинде диспансерни мюлк-техника хазнасы игилендирилгени ючюн чыкъгъанды. Беш жылны ичинде эки компьютер бла бир магнит-резонанс томограф, луч терапияны бардырырча керекле, цифра маммограф, хирургия, реанимация эм башха оборудование алыннганды. Жылны аллындан башлап абдоминал онкология эм онкоурология жаны бла жюз отуз операция бардырылгъандыла, ала бла уллу медицина учреждениялада опухольлары асыры бек ёсген неда башха сылтаула бла болушлукъ этилмеген саусузла да хайырланнгандыла.