Санаторийледе хакъсыз багъарыкъдыла

Энчи аскер операцияны ветеранлары медицина реабилитацияны эм санатор-курорт багъыуну Социал фондха кирген аралада ётерге боллукъдула. Багъыу баргъан битеу заманны ичинде фонд аланы энчи къарауунда тутарыкъды.

Реабилитацияны болжалы 25 кюннге дериди, санатор-курорт багъыуну уа – 21 кюннге дери, бу амал бла жылгъа бир кере хайырланыргъа жарарыкъды. 

Ветеранланы реабилитация аралагъа жибергенде, аланы саулукъларыны юсюнден медико-социал экспертизаны эсеплерине къаралырыкъды. Ары дери инсан быллай тинтиулени ётмеген эмда сакъатлыгъы болмагъан эсе, реабилитация арада диагностиканы бардырлыкъдыла, сора багъыуну низамын да тохташдырлыкъдыла. Россейни Жигити деген атха тийишли болгъанлагъа бла биринчи къауумда сакъатлагъа Социал фондну араларында саулукъларын тюзетирге онгну кезиуню сакълатмай берликдиле. 

Бу амал бла хайырланыр ючюн, фондну бёлюмлерине бла МФЦ-лагъа барыргъа керекди. Февральдан башлаб а заявленияны къырал жумушланы порталында жиберирге жарайды. Анга эки ишчи кюнню ичинде къаралып, оноу чыгъарыллыкъды.

Ветеранлагъа арагъа барыр ючюн, жолгъа къоратхан ахчалары къайтарыллыкъды, биринчи къауумда сакъатлагъа эм болушлукъ керекли адамлагъа, аны юсюнден медицина къагъытлада жазылгъан эсе, биргелерине нёгер алыргъа эркин этиледи. Улоуну къайсы тюрлюсюн да сайларгъа боллукъду: поезд, самолёт, суу транспорт, автобус, энчи автомобильлери, деп билдиредиле фондну пресс-службасындан.