Энтта тутулгъанды

Быйыл 25 февральда КъМР-де МВД-ны наркотиклеге къажау кюреш бардыргъан управлениясыны къуллукъчулары Нальчикде Пачев атлы орамда алгъын да бир ненча кере жууапха тартылгъан 46-жыллыкъ тиширыуну тыйгъандыла.
 
Ол айтханыча, Интернетде наркотиклени сатып алып, ала асыралгъан жерге бара эди. Ол кёргюзтген эки жерден полициячыла ууу бла чулгъамла тапхандыла. Тинтиуле кёргюзтгенлерича, ол N-метилэфедронду. Аны ауурлугъу 7,91 граммгъа жетгенди, деп билдиргендиле бизге право низамны сакълаучу ведомствону пресс-службасындан.

Тиширыугъа РФ-ни УК-сыны 30-чу статьясыны 3-чю кесегине, 228-чи статьясыны 2-чи кесегине бузукълукъ этилгени бла байламлы терслеу материалла ачылгъандыла.