УФСБ: Террористлеге болушханы ючюн жууапха тартыллыкъды

Россейни ФСБ-сыны КъМР-де Управлениясыны къуллукъчулары Экинчи Чегемден 49-жыллыкъ эр кишини аманлыкъчы ишин тыйгъандыла. Ол террористлеге ахча ётдюргенине ишеклик барды.

УФСБ-ны пресс-службасындан бизге билдиргендерича, ол Россейни право низамны сакълаучуларындан халкъла аралы террорист къауумлада букъгъан келечилерине  1,9 миллион сом ётдюргенди.  

УФСБ-ны следствие бёлюмю чегемлиге РФ-ни УК-сыны 205.1-чи статьясыны 1.1-чи кесегине бузукълукъ этгени ючюн терслеу материалла ачханды. Законлагъа тийишлиликде, быллай аманлыкъ этгенни эркинлиги 15 жылгъа дери сыйырылыргъа боллукъду.