Уруш аулакъладан ётгенле

Ташлы-Тала элни алгъыннгы администрациясыны таматасы Алтууланы Хулимат (жаннетли  болсун) Уллу Ата журт урушха къатышханланы тизмелерин жарашдырып кюрешгени бюгюнча эсимдеди. Ол  кеси къолу бла жарашдыргъан, Ата журтларын къоруулай жан  берген бир  эллилерини тизмелери болгъан альбомну школда тапдым. 

Анда жазылгъанына кёре бу гитче элчикден къыралны фашистледен къорууларгъа  69 адам кетгенди. Ол къазауатда ёлгенлери ачыкъ болгъанла быладыла: Гузийланы Маштай, Гузийланы Мазака, Габоланы Шамсудин, Габоланы Мухаммет, Килчаланы Хажибекир, Сараккуланы Салих, Токумаланы Мазан, Таукенланы Тахир, Таукенланы Мазан, Таукенланы Хусей, Токъуйланы Дауут, Хазгерийланы Дауут, Хулчаланы Хамит, Шуанланы Мухажир, Шуанланы Абдул-Межит. Сермешледе жаралы болуп ёлгенле уа быладыла: Алтууланы Ибрагим, Болатланы Солтан, Байсыланы Магомет, Болатланы Кёккёз, Илистинланы Хажимурат, Ууазыкланы  Махмут.

Белгилисиз тас болгъанланы тизмесиндегиле:  Байсыланы Баттал, Бичиланы Камук, Байсыланы Хусей, Гузойланы Ахмат, Габоланы Хасан, Габоланы Мустафа, Гузойланы Ахия, Килчаланы  Хаждауут, Ностуланы Шамшудин, Ностуланы   Баттал,  Ууазыкланы Идрис, Ууазыкланы Узей, Хазгерийланы  Мажмудин, Сараккуланы Мустафа,  Шуанланы Хасан, Сараккуланы Гортай.
Жесирге тюшюп, концлагерьледе азап чекгенле: Алтууланы Хажимырза, Байсыланы Мурадин, Баллиланы Хусей, Герийланы Хаждауут, Шуанланы Жамурза, Гумаланы Таусо, Гумаланы Рамазан, Герийланы Мусабий, Къазийланы Жикирия, Сараккуланы Малик, Сараккуланы Ахсыл, Токумаланы Далхат, Токумаланы Жюнюс, Токумаланы Мухадин, Эчкиланы Мухаммет.

Ата журт урушдан сау къайтханла: Байсыланы Исмайыл, Гайыланы Тагиб, Гузийланы Магомет, Таппасханланы Нух, Цаколаны Мустафа, Шуанланы Мурадин, Цаколаны Алий, Цаколаны Хусей, Шуанланы Мухадин, Токъуйланы Осман.

Бу тизмеде атлары сагъынылгъан  акъсакъалла бла алгъын заманлада ушакъ этерге тюшген эди, аланы уруш жолларыны юсюнден да жазгъанма. Алтууланы Хулиматны излеу-тинтиу ишини хайырындан къыралны жаудан къоруулай жан берген жигитлени атлары унутуллукъ  тюйюлдю.