Иги кесек кабель чыгъаргъанды

Былтыр Прохладный шахарда орналгъан "Кавказкабель" завод 5 минг чакълы кабель чыгъаргъанды. Буруннгу жыл бла тенглешдиргенде, ол 10 процентге кёпдю. Производствосун тёрт кереге кёбейтирге таукелди.

Бюгюнлюкде «Кавказкабель-ТМ» Къабарты-Малкъарны жетишимли ишлеген промышленный предприятияларындан бириди. Ол 800-ден артыкъ тюрлю-тюрлю кабель чыгъарады. Анга нефть, газ, темир жарашдырыу промышленностьлада, транспорт инфраструктурада, энергетикада эм къурулуш бёлюмде да сурам уллуду. 

Хазыр продукция кёбюсюнде къыралны регионларына бла Белоруссиягъа ашырылады. Уллу партнёрларындан бирлери нефть, газ чыгъаргъан биригиуле бла Москваны метрополитениди. Ала качествогъа аслам эс бургъан уллу эм даражалы предприятияладыла.

Продукция халкъла аралы излемлеге келишеди. Аны себепли анга уллу сурам барды, билгенле байламлыкъ жюрютюрге итинедиле.