Саусузлагъа – тынч амалла

Россейни жолоучулукъла къураучуларыны  биригиую «Туризм чекледен тышында» деген билдириу  сайтны жарашдыргъанды. Аны мураты сакъат адамланы солуулары сейир, ырахатлы да болурча этергеди.

Сайтда туризм бизнесге, чекленнген онглары болгъан адамлагъа да магъаналы билдириуле жыйышдырыллыкъдыла. Андан тышында, аланы энчиликлерин эсге алып къуралгъан жолоучулукъла кёргюзтюллюкдюле, къырал органлагъа, профильли организациялагъа да бу жаны бла ахшы сынам шагъырейленирге амал боллукъду. Алай бла башламчылыкъ сакъатлагъа туризмде тынчлыкълы онгла къурауну юсюнден федерал программаны толтуруугъа себеплик этерикди.