Жаш гёжефлеге – ахшы сынам

  «Спорт наркотилеге къажауду» деген чакъырыу бла Огъары Малкъарны физкультура-саулукъ сакълау арасында эркин тутушуудан Черек районну биринчилиги бардырылгъанды, аны районну Физкультура эм спорт комитети къурагъанды.

 Эришиуде усталыкъларын Нальчикден, Къашхатаудан, Огъары Малкъардан, Аушигерден, Герпегежден, Хасаниядан, Элбрусдан, Яникойдан бла Ташлы-Таладан 2012-2017 жыллада туугъан спортчула сынагъандыла. Къыйын кюрешледе Къашхатауну спорт школундан алтын майдалланы Аттасауланы Шамил, Улбашланы Дамир, Сослан бла Осман Фицовла, Аль-Бара Бурниев, Заммаланы Султан алгъандыла. Огъары Малкъардан биринчи жерлеге Эндрейланы Ислам бла Мухаммат, Хасауланы Саид, Улбашланы Исмайыл чыкъгъандыла, дагъыда «алтынны» Аушигерден Кантемир Губжев къытханды. Хорлагъанла, саугъа жерлеге чыкъгъанла барысы да кубокла, грамотала эм майдалла бла саугъаланнгандыла.