Тёлеуледе – жангы жорукъла

Биринчи мартдан кёп фатарлы юйледе жашагъанла жылыу ючюн жангы жорукълагъа кёре тёлерге боллукъдула. Аны юсюнден оноуну  муниципалитетле жылытыу кезиу башланыргъа юч айдан кеч къалмай этерге керекдиле.

Къабарты-Малкъарны тарифле эмда жашау журтлагъа къарау жаны бла къырал комитетини башчысыны къуллугъун толтургъан Алим Макуашев ангылатханыча, бюгюнлюкде республикада жылыу ючюн тёлеуле хар айгъа тенг юлешинип алынадыла. Тюрлениулеге кёре уа, тёлеулени жангызда жылытылгъан кезиуде – жети айны ичинде - жыяргъа жарарыкъды. Юлгюге элли квадрат метр жери болгъан фатарны келтирейик. Анда жангызда жылытылгъан кезиуде тёлеу бир айгъа сомду, бусагъатда ол ахча онеки айгъа юлешиннгени ючюн, бир айгъа 1337 сом тёленеди. Комитетде оюм этгенлерича, бизни республикагъа бу амал тынчыракъды.

Алгъа жыллада сайлауну жыл сайын этерге эркинлик берилгенди, бусагъатда бир оноуну къабыл кёрюп, анга сыйыныргъа керекди. Жангы жорукълагъа кёчюуню неда эски низамда къалыуну юсюнден оноуну жер-жерли администрацияла жаз башында, адамланы оюмларын соруп, этерге тийишлидиле. Жангы амаллагъа шахар неда район саулай кёчерге боллукъду, жангы бир инсан кеси аллына сайлау эталлыкъ тюйюлдю.