Гёжефлерибиз – биринчи жерде

Нальчикде СКФО-ну универсал сермешледен бла универсал сермеш – лайтдан СКФО-ну биринчилигини бла чемпионатыны эсеплери чыгъарылгъандыла. Эришиулеге Шимал Кавказны республикаларындан эм кючлю 120 гёжеф къатышхандыла.

Универсал сермешле – спортну энчи, сейир да тюрлюсюдю, анга  тыйгъычлары бла жолну ётюу, бичакъла атыу, илишаннга атдырыу, къол тюйюш да киредиле. Аланы хар бирин да жетишимли ётюп, Къабарты-Малкъарны келечилери 32 алтын, 28 кюмюш, 34 доммакъ майдал алгъандыла, алай бла битеукомандалы эсепде биринчи жерде орналгъандыла. Биринчи жерлеге чыкъгъанла уа къарыуларын энди Россейни биринчилигинде бла чемпионатында сынарыкъдыла, ала уа жаз башында бардырыллыкъдыла.