Эм кючлюле сайланнгандыла

Нальчикде тхэквондону олимпиада тюрлюсюнден СКФО-ну биринчилиги бардырылгъанды, анга округну битеу регионларындан 250 спорчу къатышхандыла. Эм кючлюлени эки жыл сан къауумда айыргъандыла: 12-14-жыллыкъла эмда 21 жыллары толмагъанла.

Эсеплеге кёре, республикабызны спортчулары онюч майдал къуллу болгъандыла. «Алтынланы» Хубулланы Анжелика бла Руслан Гусейнов алгъандыла. Саугъалы жерлеге Асанланы Дарина, Казбулат Казанчев, Къурманланы Эмилия, Заира Хуштова эм башхала чыкъгъандыла. Айырмалы болгъан спортчула энди Россейни биринчилигинде сынашырыкъдыла.