Электрокючню къоранчларын азайтырча

Кёп болмай «Россети Северный Кавказ» - «Каббалкэнерго»- компанияны бёлюмюню башчысы Резуан Загаштоков бардырып,  балансла  комиссияны кенгеши болгъанды. Тюбешиуде ток бла жалчытхан организацияны объектлеринде къоранчланы азайтырча мадар этилирге кереклиси эмда башха соруула да сюзюлгендиле, деп билдириледи электрокюч бла жалчытхан компанияны пресс-службасындан.    

Анда билдирилгенича, сетьледе электрокючню 19,83 прооцентге азайтыргъа жарагъанын билдиргениле. Ол планда белгиленнгенден 0,31 процентге азды.  Андан сора да, буруннгу жыл бла   тенглешдиргенде,   ол  0,69 процентге мажалды. 

Жыйылыуда  былтыр электрокючню багъасына  бир  процент  къошулгъаны да эс бурулгъанды. Сагъынылгъан кезиуде хайырланылгъан ток ючюн 8,2 миллиард сом чакълы тёленнгенди.  Бу жаны бла эм иги кёрюмдюле  Черек, Зольск,  Май эм  Прохладна районла болдургъандыла.  

- Бюгюнлюкде биригиуню баш борчларындан бири жашау журт-коммунал мюлк предприятияла борчларын жабарча мадар излергеди. Жарсыугъа, бирси заманладача  ала  тийишли халда тёлемей бузукълукъла жибередиле. Болсада  тюшген файдагъа  республиканы электрокюч сетьлерин игилендирирге, аны бла бирге  хайырланыучуланы ток бла сылтаусуз этерге  да жарарыкъ эди,- дейди «Россети Северный Кавказ» - «Каббалкэнерго» биригиуню таматасы Резуан Загаштоков.

Эсге сала айтсакъ, электрокючню урлагъан эм уллу къоранчладан бириди. Ол себепден  энергокючню  урлагъан ахча жаны бла къоранчладан сора да, техноген жаны бла   уллу хатагъа келтирирге боллукъду. Кеслери алларына къалай болса да тартылгъан  ток чыбыкъла   ёртенни къозгъаргъа,  адамны саулугъуна хата салыргъа боладыла.

Аманлыкъчыла  Административ бузукълукъланы кодексини 7.19-чу статьясына тийишлиликде (Сетьлеге эркинликсиз къошулгъанларына эм токну эсеплеген приборсуз хайырланнганларына) тазир тёлерикдиле. Аны ёлчеми энчи иелилеге – 10-15 минг эм организациялагъа уа 100-200 минг сомгъа жетеди. Андан сора да, бир-бир аманлыкъчыла РФ-ни Уголовный кодексини 165-чи статьясына кёре эки жылгъа тутулургъа да боллукъдула. Экинчи кере эркинликсиз ток ызгъа къошулгъан энчи иеге 15-30 минг сом тазир тёлерге тюшерикди. Аллай бузукълукъ этген организациягъа уа аны ёлчеми 300-400 минг сомгъа жетеди. Андан сора да, бир-бир аманлыкъчыла РФ-ни Уголовный кодексини 165-чи статьясына кёре, эки жылгъа тутулургъа да боллукъдула.

Уллу кёллю абонентле, борчларын жапхандан сора да, ишлерине сюдле къарагъанлары ючюн ахча къоратыргъа тюшерикдиле.

Абонентни бла энергокюч биригиуню  арасында ангылаусузлукъ болмазча, ол санда ток ызлагъа тийишли халда  къошулурча,  «Россети Северный Кавказ»-«Каббалкэнерго» биригиуню бу телефон номер бла «къызыу ызына» сёлешип билдирирге боллукъду: 8-800-220-0-220.