Сабанлагъа агрохимикатла жайгъанла бузукълукъ этгендиле

Россельхознадзорну Шимал Кавказда регионла аралы управлениясыны келечилери бизни республикада тинтиуле бардыргъан кезиуде, сабанлагъа пестицидле бла агрохимикатла жайгъанда, аны юсюнден алайлада жашагъанлагъа билдирмегенлени (битеу да 6 шарт) ачыкълагъандыла. Бузукълукъла Май, Зольск, Лескен эмда Чегем районлада этилгендиле. Жорукълагъа уллу кёллю болгъанланы барын да КоАП-ны 8.3 статьясына тийишлиликде административ жууапха тартхандыла.

Ведомствода эсге саладыла: 224 жылда 1 сентябрьде «Пестицидлени эмда агрохимикатланы къоркъуусузлу хайырланыуну юсюнден» эмда «Россей Федерацияда бал чибинчиликни юсюнден» законлагъа тюрлениуле кийирилгендиле. Алагъа кёре, сабанлагъа аллай затланы жаярдан алгъа ол тийреледе (жети километрге дери) орналгъан бал батманланы иелерине эмда элледе жашагъанлагъа аллындан окъуна айтып билдирирге керекди. Закон бла анга 5-10 кюн бериледи.