Этден иги кесек сатылгъанды

Былтыр Шимал-Кавказ федерал округда  Къабарты-Малкъар эт продукциядан эм кёп сатханды, деп билдириледи КъМР-ни Эл мюлк министерствосуну пресс-службасындан.

Алай бла сагъынылгъан  кезиуде мюлклени барында да  малланы бла юй къанатлыланы этинден  108,4 минг тонна эт сатылгъанды. Буруннгу жыл бла тенглешдиргенде,  ол 108,2 процентге кёпдю. Жумуртхаладан да  207,7 миллион чакълысы чыгъарылгъанды. Анга кёре   республика СКФО-да экинчи жерни алгъанды.

Алгъаракълада билдирилгенича, былтыр Къабарты-Малкъарда эл мюлк чыгъарыучуланы бар тюрлюлери да 64,9 миллиард сом багъасына продукция сатхандыла.  Ол аны аллында жылдан 104,3 процентге асламды. 

Саулай алып айтханда, эл мюлк бла байламлы ашарыкъла жарашдырыу бла республика округда экинчи тизмедеди.