Жандауурлукъ этерге чакъырадыла

Ата журтну Къоруулаучуну кюню жуукълаша келгени себепли «Экологистика» регион оператор, СВО-ну волонтёрларыны Асосоциациясы бла бирге, «Кърым» санаторийде багъыуда болгъан аскерчилеге гуманитар болушлукъ этиу жаны бла «Сердце в броне» деген акцияны бардырып башлайды. Бу жумушну чеклеринде, жаралы болуп, реабилитацияны ёте тургъан аскерчилеге билеклик этилликди. Алагъа къайтышыргъа тап онгла къураргъа, кеслерин да битеу керек затла бла жалчытыргъа умут барды.

Акция быйыл 29 январьдан башлап  18 февральгъа дери бардырыллыкъды. Аберилени баш, бараз эмда байрым кюнледе кюндюз сагъат экиден бешге дери, геуюрге эмда орта кюнледе уа ондан бирге дери ма бу жерледе берирге боллукъду:

Нальчикде: Къулий улу атлы проспект, 2 б эмда Ашуров атлы орам, 16;
Басхан район, Басхан шахар, Угнич орам, 11/2;
Май район, Майский шахар, Ленин атлы орам, 25;
Урван район, Нарткъала, Къабарты орам, 87;
Прохлада район, Прохладный шахар, Свободы орам, 78/1;
Терк район, Терек шахар, Ленин атлы орам, 16;
Зольск район, Залукокоаже эл, Комсомольская орам, 20;
Лескен район, Анзорей эл, Хамгоков атлы орам, 21;
Элбрус район, Тырныаууз, Элбрус проспект, 61;
Чегем район, Чегем шахар, Басхан шоссе, 2а;
Черек район, Къашхатау, Мечи улу атлы орамда пункт.
Сагъынылгъан реабилитация арада ма быллай затла изленедиле, ол себепден акцияны чеклеринде аланы келтирирге боллукъду:

- Юс кийимле (48-60 размерле): жюн чындайла, ич кийимле, кёнчекле, узун къоллу футболкала, бёркле, курткала, спорт аякъ кийимле, отоу эмда кёмюк маталлы резин чарыкъла (41-46 размерле);

- Тазалыкъ затла: тиш щёткала бла пастала, шампунь, жууунурча гель, сакъал жюрюгенде хайырланылгъан абериле, мылы салфеткала, дезодорантла, таматалагъа подгузникле, пелёнкала;

- Медицина: къолтукъ таякъла эмда аланы орунуна кийдирилген затла (16, 22, 24, 26), химотрепсин, спирт хлоргексин, тёшек жабыула, медицина вазелин, шпатель, латексден этилген бинт (3, 4, 5 размерле), Бранолинд пластырь, кеслери къысхан бинтле;

- Хозтоварла: быстыр жуугъан порошок;
- Ашла: татлы ашарыкъла, чай, кофе.