Аскерчилерибизни машиналары жараулу болурча

Басханны глушительле чыгъаргъан  заводу жарым ёмюрню  чакълы заманны  ишлейди. Бюгюнлюкде ол  бир айгъа энчи аскер операциягъа къатышханланы автомобильлерине  2,5  минг чакълы    устройство хазырлайды.

Арина Хатшукова  предприятияда  жыйырма жылдан аслам ишлейди. Кюн сайын арымай-талмай глушительлеге керек аберилени чыгъарады.  Цехле  конвейер халда ишлегенлери себепли хар зат заманында жерлерин табаргъа керекдиле. 

Глушительлени производствосу  къанжал  чулгъамладан   башланады. Андан тюрлю-тюрлю комплектле этиледиле эм ызы бла  хазыр продукт жыйылады эм жараулулукъларына контроль  этиледи.    

Предприятияда жангы излемлеге келишген  тынгылы темир хайырланады. Мында чыгъарылгъан запчастьланы «ЗИЛ», «ПАЗ», «ГАЗ заводла да аладыла. Ол санда  УАЗланы иги кесеги энчи операцияда борчларын толтургъан аскерчилерибизге жиберилгенлери себепли, запчастьлагъа да сурам ёседи. Ол санда   бюгюнлюкде завод  жылгъа 30 минг глушитель чыгъарады.

 Эртте заманда предприятияны Союз магъаналыгъы болгъанды. Анга кёре сагъынылгъан устройствола къыралда чыгъарылгъан машиналаны барысына да жарагъандыла.  Бусагъатда завод рынокда жерин табып,  жетишимли къармашады эм къыралны  жанындан да болушлукъ табады.