Алты мингден аслам жумушха къаралгъанды

Былтыр Къабарты-Малкъарда  "Мени бизнесим" ара   гитче эм орта  предпринимательлени эм кеслери бир тюрлю иш бла кюрешгенлени  6177 чакълы жумушларына къарагъанды, деп билдириледи КъМР-ни Экономиканы айнытыу министерствосуну пресс-службасындан.

Сагъынылгъан кезиуде гитче эм орта  предпринимательлеге  эм кеслери бир тюрлю иш бла кюрешгенлени 251-и  къыралдан  болушлукъ тапхандыла.   Ол санда  алагъа хакъсыз эсгертиуле, билдириуле этилгендиле эм методика болушлукъ да берилгенди.  Аны бла бирге ишлерин энди башлагъанланы билимлерин ёсдюрюрча иш тамамланнганды.   
Андан сора да, Ара алыучула жерлешлерибизни   продукцияларына эс бурурча   эм тийишли халда  сертификацияны ётерча себеплик тапдыргъанды.  Ол  предпринимательле къыралда ётген  кёрмючлеге эм бизнес-миссиялагъа  да  къатышырча билеклик этеди.

Быйылны юсюнден айтханда, "Мени бизнесим" ара къыралны экономикасы айнырча  "Тири  эм  конкуренциялы  экономика» миллет проектге кёре,    гитче эм орта  предпринимательлеге эм   кеслери бир тюрлю иш бла кюрешгенлеге  болушлукъ тапдырыргъа хазырды.