Эл мюлк жерле таза болурча

Кёп болмай Россельхознадзорну Шимал Кавказда регионла аралы управлениясыны  келечилери  рейд  бардыргъан кезиулеринде  эл мюлкге бёлюннген жерледе  бузукълукъ этилгенин ачыкълагъандыла, деп билдириледи ведомствону пресс-службасындан.

 Анда айтылгъаныча,  Май районда Октябрьское элни къатында 500 квадрат метрде эм Урван районда да Герменчикни тийресинде  700 квадрат метрде эркинликсиз къуралгъан свалкала табылгъандыла. 

Сагъынылгъан жерлени ортакъгъа алып тургъанла «Кабардинский» биригиу бла  Эркенова М. законодательствогъа бузукълукъ этгенлери  билдирилгенди. Къысха заманда эл мюлкге бёлюннген  жерлени иелери жер юлюшлени зыбыр къалгъан-къулгъанладан тазаларгъа, игилендирирча  жумушланы тамамларгъа эм тийишли халда хайырланырча мадар этерге  керекдиле. 

Белгиленнген жорукъла толтурулмасала,  ала Административ бузукъланы кодексини 2-чи кесегини 8.7 -чи  статьясына тийишлиликде жууапха тартыллыкъдыла.