Федерал даражагъа тийишли болгъанды

Кёп болмай Нальчикде "Кюн шахар"сабий чыгъармачылыкъ ара "Окъуучуланы информация-технология билимлерин ёсдюрюу эм усталыкъ сайлауда таукеллендириу" жаны бла "Федерал инновациялы майдан"  деген даражагъа тийишли болгъанды.   Анга кёре РФ-ни Жарыкъландырыу министерствосуну буйругъу бла Академия къыралны билим бериу  инновациялы инфраструктурасыны тизмесине кийирилгенди.  

Эсге сала айтсакъ, Федерал инвестициялы майдан  даражагъа  регионал эм  федерал  проектлени жетишимли бардыргъан эм билим бериуде айырмалы болалгъан учрежденияла тийишли боладыла.

Бюгюнлюкде «Кюн шахар»  бир эм къошакъ билим бериу жаны бла республикада алчы учрежденияладан бирине саналады.  Ишлеп тебирегенинден бери ахшы жетишимле болдура келеди.  Аны мурдорунда къуралгъан хунерли сабийлеге  лицей математикадан бла  естественный илмуладан эки жюз эм иги школну къауумундады. "Медицина" усталыкъдан  бёлюмю уа  элли эм иги школну тизмесинде  жерин тапханды.

Арт жыллада  академияны келечилеринден алтаулан   школчуланы арасында бардырылгъан битеуроссей олимпиадалада  биринчи эм бешеулен призёрла болгъандыла. Лицейчиле юч жылда да Шимал-Кавказ федерал округну атындан   жалгъан интеллект жаны бла  битеуроссей   олимпиадагъа къытышадыла. Аладан жетиси элли финалистни санына тюшалгъандыла.