Инжиле къалай къураладыла

Ариу тюрсюнлю, акъ, къара, къызгъылдым инджиле (жемчуг) бек багъалы накъышладан биридиле. Барыбыз да эшите тургъаныбызча, раковинагъа тюшген юзмезчикден жаратылмайды. Бу ариу таурухну сатыучула кеслери къурагъандыла.

Инжи ракушкагъа мидияны этин ашаргъа деп кирген гитче къуртчукъдан болады. Аны эслегенлей,  мидия, кесинден къоркъууну кетерир муратда, аны перламутр бла  тышлап башлайды. Бу «къоруулау» ишин ол жашагъан къадарда бардыргъанлай турады. Алай бла чабыуул этген къуртчукъ да къат-къат перламутр бла «жасалады». Талай замандан а биз тюкенден ариу, жылтырауукъ инжини алабыз.