Социал сетьледе сакълыкъ керекди

Аманлыкъчыла огъурсуз ишлерин жангыз телефон бла сёлешип угъай, социал сетьледе да тири бардырадыла, кёп тюрлю амалланы да хайырланадыла. Алагъа алданмазгъа болушурча амалла уа бардыла.

Бек алгъа, социал сетьледе аккаунтларыгъызда, башха приложенияларыгъызда да парольланы алышындыра турургъа, аланы не къадар къыйыныракъларын къурашдыра туругъуз. Компьютеригизде бла телефонларыгъызда программаланы унутмай жангыртыгъыз, ансыз алада аманлыкъчыла хайырланалырча «тешикле» чыгъадыла. Электрон письмоланы бла ссылкаланы ачханда сакъ болугъуз, бютюнда ала танымагъан адамладан келген эселе. Энчи данныйлеригизни – парольларыгъызны неда кредит карталаны номерлерин - бир кишиге да билдирмегиз. Онлайн-аккаунтларыгъызны сакъларча эки къатлы къоруулау амалланы хайырланыгъыз, сизни алдатханларына ишлеклигигиз бар эсе, мычымай аны юсюнден полициягъа неда банкга билдиригиз.