Ахчаны къайтарыргъа алгъадан да умут этмегенди

Россейни МВД-сыны Бахсанда  районла аралы бёлюмюню уголовный розыскыны полициячылары бир тиширыуну хыйлалыкъ этгенине ишекликде  тутхандыла.

Тохташдырылгганыча, былтыр декабрьде Баксанёнокда жашагъан 57-жыллыкъ эр кишиге алгъын да сюдню оноуу бла жууапха тартылгъан бир элли тиширыу келгенди.  Эр кишини ауушхан юй бийчесини нёгери болгъанын, ол танышларындан ёнкюч алгъанын билдирип, аны артха къайтарыргъа болушургъа айтханды. Бахсанчы,  анга ийнанып, ахчаны банк картасына ашыргъанды – 25 минг сомну. Алай хыйлачы тиширыуну  аны къайтарыр акъылы болмагъанды, сомланы кеси кереклерине къоратханды.