Налогланы жыйыуда – экинчи жерде

Кёп фатарлы юйлени толусунлай жангыртыу фондну озгъан жылда ишини эсеплери чыгъарылгъандыла. Алагъа кёре аслам юйге къаралгъанды, жыйырма жети лифт алышыннганды.

Былтыр жангыртыугъа жетмиш беш юй тюшгендиле, аланы барысында да ишле бошалгъандыла. Юйлени башларын алышханда, бек аздан, жыйырма беш жылны бузулмай турлукъ темир-къошун материалла сайланнгандыла,  суу быргъыла, электроызла тартылгъандыла, сакъат адамлагъа таплыкъгъа пандусла салыннгандыла. Энчи эс подваллада суу быргъыланы алышыугъа бёлюннгенди.  

Фондну регион бёлюмюню башчысы Къулийланы Мустафир билдиргенича, ала белгиленнген ишлени болжаллагъа кёре тамамлагъандыла, аны ючюн жети жюз миллион сом къоратылгъанды. Адамла тёлеулени заманында этип башлагъанлары да ишни женгиллендиреди. Бу жаны бла биз къыралда экинчи жердебиз.