Солугъанланы саны ёсгенди

Къабарты-Малкъарны Курортла эм туризм министерствосундан билдиргенлерича, былтыр «Эльбрус» тау-лыжа курортда 800 мингден аслам адам солугъанды. Ол а алгъадагъы жылдан 10 процентге асламды. Жангыз да жайда Минги таугъа 285 минг инсан келгенди. Ол да 2023 жылны ол кезиую бла тенглеширгенде, 40 процентге кёпдю. Эм кёп турист – 105 минг – августда эсепленнгендиле. Мартда бла февральда таулада 200 мингден аслам адам солугъанды. Орта эсеп бла бир кюннге курорт 3300 къонакъ алгъанды. Жангы жылны байрамын регионда 103,4 минг турист белгилегенди. 

Курортну сайлагъанланы саны ёсе баргъанына себепликни экожолчукъла ишленнгенлери да себеплик этеди, бюгюнлюкде аланы узунлукълары 40 километрге жетеди. «Эльбрусну» жылны хар кезиуюнде да ишлегени да кесини юлюшюн къошханды: туристлени 67 проценти жолоучулукъланы сайлагъандыла, 26 проценти – тау лыжалада учууну, 5 проценти – жарау этуню, 2 проценти уа – альпинизм бла кюрешиуню. Ски-пассланы онлайн халда алгъанланы саны да анга кёре 12 процнетден 18-ге жетгенди.

Битеу алып айтханда, республикада солугъанланы саны 1 миллион 750 мингден атларгъа боллукъду. Жангыз да Нальчикни санаторийлеринде саулукъларын 50 мингнге жууукъ инсан кючлегенди, ала Россейни 50-ден аслам субъектинден келгендиле. 

Поделиться: