Сочиге тюзюнлей учаргъа боллукъду

14 января, 2025 - 10:59

Нальчикден Сочиге тюзюнлей учаргъа боллукъду.

Учууну «Азимут» авиакомпания къурайды. Тёртюнчю январьдан башлап онсегизинчи февральгъа дери «Сухой Суперджет» самолётла ыйыкъгъа бир кере шабат кюнледе учарыкъдыла, алагъа бир кереге жюз адамны сыйындырыргъа боллукъду.

Транспорт министерстводан билдиргенлерине кёре, быйыл дагъыда жангы рейсле боллукъдула: Нальчикден Къазаннга, жайда – Анталиягъа, жылны хар кезиуюнде да Стамбулгъа, сора Азербайджаннга да тюзюнлей учарча этерге мурат барды. 2028 жылгъа дери уа Нальчикни халкъла аралы аэропортуну самолётла учхан эм къоннган жерлени толусунлай жангыртыргъа белгиленеди, аны ючюн жети миллиарддан аслам ахча бёлюнюрюкдю.    

Кульчаланы Зульфия.
  • 256 просмотров
Поделиться: