УФСБ: Жутлукъ

Экономика аманлыкълагъа къажау излеу-тинтиу жумушланы бардырган кезиуде РФ-ни ФСБ-сыны КъМР-де Управлениясыны келечилери Федерал казначей службаны регионда бёлюмюню алгъыннгы къуллукъчусу З.А.Маломусовну бузукълукъ ишин тохтатхандыла.

Ачыкъланнганыча, ол Казначействону белгили болмагъан файдаланы тизмесине тюшген  ахчаны кеси бла байламлы болгъан коммерциялы организациялагъа къайтарыуну юсюнден жалгъан эсгертиулени хайырланнганды. Алай бла ол бюджетден  иги кесек  ахча къымгъанды, деп билдиргендиле УФСБ-ны пресс-службасындан.

Нальчикни шахар сюдю Маломусов РФ-ни УК-сыны 159-чу статьясыны 3-чю эм 4-чю кесеклерине, 187-чи статьясыны 1-чи кесегине бузукълукъ этгенин тохташдырып, аны эркинлигин тёрт жылгъа сыйырыргъа деген оноуну чыгъаргъанды. Ол кючюне киргенди. Терсленнген битеулю низамлы колонияда тутуллукъду.