УФСБ: Къуллугъун кесине таплыкъгъа хайырланып

Экономика  аманлыкълагъа къажау мадарланы толтургъан кезиуде РФ-ни ФСБ-сыны КъМР-де Управлениясыны къуллукъчулары Прохладна районну эллеринден бирини алгъыннгы башчысыны законсуз ишин тыйгъандыла. Ол оюлургъа къоркъуулу юйледе жашагъанланы кёчюрюу жаны бла программаны толтургъан кезиуде къуллугъун артыгъы бла хайырланнганы ючюн терсленеди, деп билдиргендиле бизге УФСБ-ны пресс-службасындан.

РФ-ни СК-сыны КъМР-де следствие бёлюмю бу шартла бла байламлы РФ-ни УК-сыны 286-чы статьясыны 3-чю кесегини «е» пунктуна бузукълукъ этилгени бла байламлы терслеу материалла ачхандыла. Законлагъа тийишлиликде, быллай аманлыкъ этгенни эркинлиги он жылгъа дери сыйырылыргъа боллукъду.

Тикаланы Фатима хазырлагъанды.
Поделиться: