УФСБ: Агъачха хата салгъанлары ючюн-жазагъа

14 января, 2025 - 09:10

 Табийгъат байлыкъланы тонаудан сакълау жаны бла излеу-тинтиу жумушланы толтургъан кезиуде, РФ-ни ФСБ-сыны КъМР-де Управлениясыны келечилери, республиканы полициячылары бла бирге Урван райондан     Амальчиев М.Ж., Кипов Д.Х. эм Тарлоев А.М. этген бузукълукъну тохтатхандыла.

Ала эркинлик берген документлери болмай, «Лескен агъач мюлк» къырал учрежденияны жеринде тереклени кесгендиле, деп билдиргендиле бизге УФСБ-ны пресс-службасындан.

 Урван районну сюдю терсленнгенле РФ-ни УК-сыны 260-чы статьясыны 3-чю кесегине бузукълукъ  этгенлерин тохташдыргъанды.   М.Ж.Амальчиевни эм Д.Х.Киповну эркинликлерин 2 жылгъа бла  6 айгъа сыйырыргъа (условно халда), А.М.Тарлоевни эркинлигин 2 жылгъа сыйырыргъа (условно) деген оноуну чыгъаргъанды. Барысына да сынау кезиу да тохташдырылгъанды.

Тикаланы Фатима хазырлагъанды.
  • 15 просмотров
Поделиться: