Жылны ал кёрюмдюлерине къарагъандыла

 КъМР-ни Башчысы Казбек Коков республиканы Правительствосуну къаууму бла жыйылыу бардыргъанды. Аны юсюнден ол кесини телеграм-каналында билдиргенди.

«Правительствону къаууму бла эм жер-жерли администрацияланы башчылары бла 2024 жылны ал кёрюмдюлерини эм 2025 жылгъа муратларыны юсюнден соруула сюзюлгендиле.

 Андан сора «Ата журтну къоруулаучулары» къырал фондну Къабарты-Малкъар Республикада бёлюмюню таматасы Муаед Дадовну энчи аскер операциягъа къатышханлагъа быйылгъы жылда къаллай болушлукъ этгенлерини эм келир жылгъа муратларыны юсюнден билдириуге тынгылагъандыла»,- деп айтылады билдириуде.