Саусуз сабийге къайгъыра

Бу кюнледе Тырныауузну 5-чи номерли гимназиясында окъугъан сабийле, аланы ата-аналары эм да устазлары, медицина болушлукъ керек болуп тургъан жерлешибиз Имран Канцалиевге жоралап, ярмарка бардыргъандыла. Ары окъуучула татымлы азыкъла, кеси къоллары бла этген сейир затчыкъла келтирген эдиле.   Тенглери  уа жаратхан затларын сатып алгъандыла. Алай бла ол кюн тырныауузчула 307 минг сом жыйгъандыла. 

Тюнене гимназиячыланы тамата классларыны кенгеши ётгенди. Ала анда жыйылгъан ахчаны Канцалиевлени юйюрлерине  ётдюрюп, сабийни саулугъуна себеплик боллукъ атлам этгендиле.