Аламат саугъа этгендиле

Росгвардияны КъМР-де Управлениясыны къуллукъчулары «Энчи буйрукъла толтургъан Буз аппа» Битеуроссей ведомстволу жумушлагъа къатышадыла. Аланы чеклеринде бу кюнледе аскерчиле кёп сабийли юйюрню жокълагъандыла. Жангы жылны аллында быллай тамаша къонакъгъа сабийчикле бек къууаннгандыла, анга назмула айтхандыла, жырлагъан, тепсеген да этгендиле.

– Гитчелигибизден сюйген байрамны аллында гитче инсанларыбызгъа жомакъны саугъаларгъа сюйгенбиз. Алагъа саулукъ, узакъ ёмюр тежейбиз,-дегенди Управленияны башчысыны орунбасарыны къуллугъун толтургъан Аслан Тубаев.