Сыйлы тренерни хурметине - эришиу

Къабарты-Малкъар къырал университетни спорт арасында Россейни сыйлы тренери Сеф Нировны хурметине гитче спортчуланы араларында Жангы жылгъы эришиу къуралгъанды. Ол тёрели халда жыл сайын бардырылады.

Гитче дзюдочула, жыл санларына къарамай, ахшы сермешле кёргюзтгендиле. Кеслерини ауурлукъ къауумларында алчы жерлеге Кючменланы Умар, Руслан бла Билял Гафуровла, Черкесланы Илана, Амина Шомахова, Абдуллаланы Сара, Асанланы Эмир, Мелисса Сабанчиева эм башхала чыкъгъандыла. Алагъа майдалла, грамотала, багъалы саугъала бла татлы ашарыкъла берилгендиле. Сеф Ниров юйретген спортчула уа дагъыда юч жашчыкъны бла юч къызчыкъны бийик усталыкълары ючюн ахча бла да къууандыргъандыла. 

Эришиуню Къабарты-Малкъарны дзюдодан сабий-жаш тёлю спорт школуну «Локомотив-Грин хилл» клубу ётдюргенди.