Ауругъан сабийлеге – «Ышаныуну эришиую»

Нальчикде Универсал спорт арада «Ышаныуланы эришиую» деген ат бла Спорт министерствону адаптив школунда жарау этген сакъат сабийлеге зауукълу эришиуле къуралгъандыла.

Сабийле кеслерин спортну талай тюрлюсюнде сынагъандыла. Алагъа кёл этдирирге уа республиканы Парламентини депутатлары Амир Ахметов бла Аслан Шипшев, «Шуёхлукъ» ветеран футбол клубну келечилери, Россейни футболдан тиширыу жыйымдыкъ къауумуну баш тренери Юрий Красножан, энчи аскер операциягъа къатышханла, Футболдан россейли биригиуню регионда менеджери Татьяна Зайцева, Нальчикни футболдан школунда жарау этген спортчула келгендиле. Быллай эришиуледе къытдыргъан болмаучуду, эришиуню къурагъанла быйыл жетишимлеге жетген сабийлени белгилегендиле, эсепле чыгъаргъандыла. Спорт байрам а саугъала юлешиу эм татлы ашарыкъла сыйланыу бла бошалгъанды.