Сабийлени саулукъларына – энчи эс

Жылны башындан бери Къабарты-Малкъарда акъылбалыкъ болмагъан   190 мингден аслам сабийни саулукълары тинтилгенди,- деп билдириледи КъМР-ни Саулукъ сакълау министерствосуну пресс-службасындан.

Быллай амал  сабийни халине эс бурургъа эм башлана тургъан къыйын аурууланы  заманында тинтирге да  болушады. 

Тийишли специалистле къарагъанларындан сора  эсгертиуле этедиле, ишекли болсала  тынглы къаралырча   мадарла этедиле.

Саулай алып айтханда, «Саулукъ  сакълау» миллет проектни «Сабийле бла байламлы  саулукъ сакълауну айнытыу, ол санда бюгюннгю излемлеге келишген  инфраструктура эм   багъарча онгла къурау» регион  программагъа кёре тохташдырылгъан план 96,6 процентге толтурулгъанды.