Жол мюлкде аслам иш этилгенди

Жер-жерли магъанасы болгъан жолланы тап халгъа келтириуге Къабарты-Малкъарда  дайым уллу эс бурулады. Муниципалитетлени администрациялары бла бирге ахыр жыллада бу жаны бла кёп иш этилгенди, деп айтылады республиканы Правительствосуну сайтында чыкъгъан билдириуде.

Быйыл этилген ишлени эсебин чыгъарып айтханда, бу бёлюмге 1,4 миллиардд сом бёлюннгенин белгилерчады. Анга муниципалитетлени кёп къалмай барында да 31 жол (барыны да узунлугъу 36 километр) жангыртылгъанды. Республиканы ара шахарында уа жети орамда  мадар этилгенди: Осетинская, 2-чи Тамань дивизия, Малкъар, Жашлыкъны эмда Мусука, Хуранов Жабаги, Казаноко атлы. Дагъыда  Вольный ауулда Профсоюзная орамны 1,8 километрге узунуракъ этгендиле. Ол энди Республикалы кёп профильли гимназиягъа дери жетеди. Дагъыда субсидияланы хайырынлан транспорт-кёчген ара ишлене турады эмда Ахохов атлы орамны тёгереги айбатланады.

Басхан шахарда Гагаринни атын жюрютген жангы орта школгъа  элтген жолну кесеги жангыртылгъанды, Дыгулыбгей элде Басхан улу атлы орамда тротуарланы жарашдырыу да бошала турады. Чегем районда Кяров бла Шогенов атлы орамлагъа ремонт этилгенди, Прохладна районда уа Красносельское элде жангы школгъа элтген жолну, сора Прохладныйде Промышленная орамны (4,2 километр) жангыртхандыла.

Май районда железнодорожная. Грибоедова эм Совхозная орамлагъа этилгенди ремонт, аланы барыны да узунлугъу 2,5 километр болады. Черек районда уа Бабугентде бла Къашхатауда тёрт орам, районну ара больницасына элтген жол, сора Аушигерде больницаны аллында жол тап халгъа келтирилгендиле. Зольск районда уа Тырныауузда Мусука улу атлы орамгъа ремонт этилип бошалгъанды. Дагъыда «Эллени комплекс халда айнытыу» къырал программаны чеклеринде, псыхурей элде жети орамгъа ремонт этилгенди, Кахунда уа жолладан бирини участкасы жангыртылгъанды.

Бу ишлени бардыргъанда эм башына ол орамлада социал объектле болгъанына эс бурулгъанды. Алада школла, сабий садикле, амбулаторияла, спорт комплексле эм башха учрежденияла бардыла.