Юйюрлеге - аналыкъ капиталны юсюнден билдириуле

Республикада 6 647 юйюрге аналыкъ капиталдан он минг эм андан аз ахча къалгъаныны юсюнден билдириуле жиберилгендиле, он мингден аз ахчалары болгъанланы аны бир кереге бериулиучю тёлеу халда алаллыкъдыла. Жангызда аны юсюнден заявленияны къырал жумушланы порталында, фондну бёлюмюнде неда МФЦ-да жазаргъа керекди.

Социал фондну регионда бёлюмюню башчысы Николай Баков билдиргенича, бир кереге берилген тёлеу капиталны хайырланыуну дагъыда бир амалыды, жангызда анда он мингден кёп къалмазгъа тийишлиди. Болушлукъну бу тюрлюсюн этиуге болжал салынмайды, жангызда башда айтылгъан излем толтурулургъа керекди. Капиталдан къаллай бир ахча къалгъанын а къырал жумушланы порталында выписканы алып билирге боллукъду.

Фондну ишчилери заявлениягъа он ишчи кюнню ичинде къарарыкъдыла, ол къабыл кёрюлсе, беш ишчи кюнню ичинде ахча иесине жиберилликди.

Магъаналы билдириуле бла жангылыкъла уа социал сетьледе да басмаланадыла: ВКонтакте https://vk.com/sfrpokbr, Телеграм https://t.me/sfr_po_kbr_07 эмда Однокласники https://ok.ru/group/70000002358769.