Тереклени кесгени ючюн жууап тутарыкъды

РФ-ни ФСБ-сыны КъМР-де Управлениясыны къуллукъчулары, полициячыла бла бирге  табийгъат байлыкъланы сакълау сферада оператив-излеу жумушла толтургъанда, Урван райондан 44-жыллыкъ А.Безировну бузукъчу ишин тыйгъандыла. Кюч ведомствону пресс-службасындан билдиргенлерича, ол,  эркинлик къагъытлары болмай, «Лескен лесничество» къырал казна учрежденияны  Аргуданда  агъачында тереклени кесгенди.

 Урван районну сюдю А.Безиров РФ-ни УК-сыны 260-чы статьясыны 3-чю кесегине бузукълукъ этгенин тохташдырып, аны эркинлигин 3 жылгъа сыйырыргъа, аны условно халда толтурургъа деген оноуну чыгъаргъанды.