Энчи аскер операциягъа къатышханлагъа телеграм-чат ишлеп тебирегенди

Быйыл 22 июльда энчи аскер операциягъа къатышханлагъа эм аланы юйюрлерине медицина эм психология жаны бла болушлукъ этерге деп бирикдирилген федерал телеграм-чат ишлеп тебирегенди. Бу проектни Ата журтну аскерчилерини юйюрлерини комитети бла «Социал болум» (ол «ЗдравКонтроль» федерал проектни къауумуна киреди) фонд къурагъандыла. Анга Россей Федерацияны Жамауат палатасы болушлукъ этеди.

Бу чат https://t.me/+-NlCAoiZghk2OTNi кюн сайын Москва сагъат бла 9 сагъатдан 21 сагъатха дери ишлейди. Бийик квалификациялары болгъан къырал медицина психологла тюрлю-тюрлю къыйын болумлагъа тюшген Энчи аскер операциягъа къатышханлагъа эм аланы юйюрлерине консультацияла этедиле. Эки айны ичинде чатха 400 кере адамла тилеклери бла болушлукъ излеп киргендиле, 6800 инсан сетьге кирип билдириулеге къарагъандыла. Болушлукъ излеп чатха къыралны къайсы регионун да жашагъан да  кирирге  боллукъду, аны аты белгисизлей къаллыкъды. Энчи аскер операциягъа къатышханлагъа эм аланы юйюрлерине къыйматлы психология болушлукъну заманында тапдырыргъа эм чатны ишин терклендирирге, шёндюгю излемлеге келишдирирге деп,  Россейли психология обществону бла Москваны М.В. Ломоносов атлы къырал университети методикалы китапчыкъла хазырлай турадыла. Аны бла байламлы QR-коду бла эм чатны ишлеген кезиулерини юсюнден билдириуле бла энчи дизайн-макетле медицина организациялада, социал бёлюмню учрежденияларында, кёп функциялы жумушланы тамамлагъан аралада, Энчи аскер операциягъа къатышханлагъа болушлукъ тапдыргъан жерледе, аскер  комиссариатлада эм социал сетьледе бла асламлы информация органлада бардыла.

-Биз бардыргъан тинтиулеге кёре, психология болушлукъну цифралы амалы бек керек болгъаны ачыкъланнганды. Жууукъ заманда бу проектде  медицина жаны бла ишлеген психологла къыйын болумлагъа тюшгенлеге энчи эс бурлукъдула эм ала бла бирге жумушларын тамамларгъа да болушурукъдула, деп чертгенди «ЗдравКонтроль» проектни башчысы, РФ-ни  Жамауат палатасыны келечиси Евгений Мартынов.

Ата журтлу аскерчилени юйюрлерини комитетини таматасы Юлия Белехова белгилегеннге кёре, болушлукъ мычымай эм кезиуюнде тапдырылыргъа керекди. Бардыргъан тинтиулеге кёре, чат психологла бла солуу кюнледе да ишлерча этилгенди, нек дегенде, адамлагъа болушлукъ кюн сайын керек болады. Андан сора да бир шарт: энчи болушлукъ излегенле да кёпдюле, ол санда атларын туура этерге сюймегенле да бардыла, деп белгилегенди Белехова.