Мектепле – футболну аралары

«Футбол мектеплеге» деген битеуроссей проектге  билим бериу учрежденияланы энтта да оноуу къошулгъандыла. Аны бла байламлы устазлагъа Нальчикде юйретиуле къуралгъандыла.

Билдирилгенича, бусагъатда проектге республиканы битеу онюч району къатышадыла, алай бла мектепле футболну аралары боладыла. Проектни регионлада бардырыу жаны бла менеджери Иван Мазур белгилегенича, аланы муратлары окъуучуланы жарау этерге, саулукълу жашау бардырыргъа кёллендирирча, футболну мурдорунда мектеп биригирча этергеди. Башламчылыкъ физкультурадан дерслени эм футболдан жарауну кезиулеринде толтуруллукъду. Аны чегинде школлагъа россейли футбол биригиуден спорт керекле, юйретиу жаны бла да болушлукъ боллукъду.

Проектни баш методисти Евгений Семенов билдиргеннге кёре, бусагъатда электрон китап жарашдырыла турады, анда юйретиуню толу курсу бериледи. Алай бла сабийле сау жылны жарау этерикдиле, эришиулеге да къатышырыкъдыла.