УФСБ: Ушагъыусуз суратланы жаймаз ючюн ахча излегенди

Къабарты-Малкъарда ФСБ-ны управлениясыны келечилери республикада МВД бла байламлыкъда оператив-излеу ишлени кезиуюнде Прохладна районда жашагъан 28-жыллыкъ Мазлоев А.А. законнга жангыдан бузукълукъ этгенин ачыкълагъандыла.

Эр кишиге эндиге дери да сюд этилген эди. Бу жол аманлыкъчы ол жерли тиширыудан  ушагъыусуз суратларын Интернетде жаймаз ючюн ахча излегенди. Прохладна районну сюдю, РФ-ни Уголовный кодексини 163-чю статьясыны 1-чи кесегине тийишлиликде, анга терслеу иш ачып, эркинлигин 1 жылгъа бла 6 айгъа сыйыргъанды эм бу заманны къаты низамлы тюзетиу колонияда турургъа буюргъанды. Оноу кючюне киргенди,  деп билдиредиле КъМР-де МВД-ны пресс-службасындан.