Жаяу жюрюрге сюйгенлеге – байрам

Нальчикни ара солуу паркында Жаяу жюрюуню битеуроссей кюню ётдюрюлгенди. Аны республиканы Олимпиада совети Спорт министерствону себеплиги бла къурагъанды.

Паркны жаяу ётерге республикада жашагъанла, къонакъла да – битеу да беш жюзге жууукъ адам – келгендиле, аланы араларында спортну ветеранлары, Олимпиаданы чемпионлары, абаданла, сабийле да болгъандыла. Ала эрттенликде сагъат онда паркга кирген жерде жыйылып, гыллыучала болгъан жерге дери жетгендиле. Алгъышлауладан сора регионну Эстетика гимнастика федерациясыны спортчулары усталыкъларын кёргюзтгендиле, артистле уа жыр-тепсеулери бла къууандыргъандыла.

Концертден сора ветеранлагъа – советни грамоталары бла саугъала, жаяу жюрюгенлени барысына уа дипломла бла майдалла берилгендиле.