«Абадан адамлагъа, битеу ветеранлагъа сакъ кёзден къарагъаныгъыз ючюн ыразылыгъыбызны билдиребиз»

Нальчик шахарда Урушну, Урунууну, Сауутланнган кючлени эмда право низамны сакълаучу органланы ветеранларыны (пенсиячыларыны) жамауат организациясы К. В. Коковну КъМР-ни Башчысына жангыдан айырылгъаны бла байламлы алгъышлайды.
«Хурметли Казбек Валерьевич!  Нальчик шахарда Урушну, Урунууну, Сауутланнган кючлени эмда право низамны сакълаучу органланы ветеранларыны (пенсиячыларыны) жамауат организациясыны келечилери Сизни Къабарты-Малкъар Республиканы Башчысына жангыдан айырылгъаныгъыз эмда къуллукъгъа киришгенигиз бла битеу жюреклеринден алгъышлайдыла.

Сизни Къабарты-Малкъарны халкъыны аллында сый-даражагъыз уллуду. Абадан адамлагъа, битеу ветеранлагъа сакъ кёзден къарагъаныгъыз ючюн Сизни политикагъыз жанлы болгъанларын бизни организацияны эмда Нальчик шахар округну битеу ветеран къымылдаууну келечилери билдиредиле. Сиз кесигизни профессионаллыгъы эмда сынамы республиканы айныууна эм адамланы жашауларын игилендириуге болушхан билимли таматача кёргюзтгенсиз. Сиз керти патриотлукъну, республикагъа бла Россейге сюймекликни, мында жашагъан халкъланы тёрелерине кертиликни юлгюсюсюз.

Къыйын эмда жууаплы къырал къуллукъда жетишимле, салгъан борчларыгъызгъа жетиуню да тежейбиз».