Биринчи туугъан сабийле ючюн – тёлеуле

2024 жылны аллындан башлап Россейни Социал фондуну Къабарты-Малкъарда бёлюмю биринчи туугъан сабийлери ючюн 1345 юйюрге тёлеуле этгенди, аны ючюн 115 миллиондан аслам ахча бёлюннгенди.

Тёлеулени бу тюрлюсю юйюрню 2023 жылны 1 январына дери туугъан сабийине анга юч жылы толгъунчу бериледи. Аны алыр ючюн, ата-ана, бала да Россейни гражданлары болургъа эм къыралыбызда дайым жашаргъа керекдиле. Ахча балагъа бир жылы болгъунчу  берилликди, андан сора аны болжалын создурурча жангыдан заявление жазаргъа тюшерикди.

Юйюрге болушлукъну бу тюрлюсюн этгенде, аны мюлкюне къаралмайды. Алай аны файдасы юйюрню хар келечиси ючюн ишлерге онгу болгъан адамны жашаугъа этерге керекли ахчаны эм аз эки ёлчеминден кёп болмазгъа керекди, ол а 36 036 сомду. Бир кереге бу тёлеу бла бир пособие берилмейдиле.

Тёлеуню алыр ючюн, къырал жумушланы порталында, МФЦ-да бла Социал фондну жер-жерли бёлюмюнде заявление жазаргъа керекди. Бютюн толу информацияны фондну контакт арасында берликдиле, аны номери 8-800-200-06-70. Анга ишчи кюнледе сёлеширге боллукъду, ол хакъсызды.

Фондну жангылыкълары аны социал сетьлеринде да - https://vk.com/sfrpokbr, https://t.me/sfr_po_kbr_07, https://ok.ru/group/70000002358769 – басмаланадыла.