Полицияны харкюнлюк ишинден![]() Къуллугъун хайырланып, ахча къоллу болгъанды Басхан районну прокуратурасы мектеплени бирини бухгалтерине ачылгъан уголовный ишни къабыл кёргенди. Ол Уголовный кодексни 159-чу статьясыны 4-чю статьясына кёре (къуллукъну хайырланып эм уллу ёлчемледе ахча урлау) эм 292-чи статьясыны 2-чи кесегине (кесине хайыр чыгъарыр ючюн къуллукъну хайырланыу) терсленнгенди. Следствие ачыкълагъаныча, алты жылны ичинде тиширыу мектепге ахча келирча заявкалагъа жалгъан шартла жазып тургъанды, алай бла бюджет ахчадан 1,1 миллион сом урлагъанды. Уголовный иш Басханны район сюдюне жиберилгенди. Быллай аманлыкъ иш ючюн аны эркинлигин 10 жылгъа дери сыйырыргъа боллукъдула. Къызындыргъан оюнланы къурагъанды Следствие комитетни Нальчикде бёлюмю шахарда жашагъан 1978 жылда туугъан эр кишиге Уголовный кодексни 171.2 стаьясыны 1-чи кесегине кёре (энчи оборудованияны хайырланып, эркин этилмеген жерледе ахча къытар ючюн оюнла бардырыу) терслеу иш ачханды. Право низамны сакълаучула аны законсуз иш бла кюрешгенин 2024 жылны августунда тохташдыргъандыла. Къызындыргъан оюнланы ол Нальчикде Надречный орамда къурагъанды, аланы бардырыр ючюн а, энчи программала салыннган 10 компьютерни хайырланнганды. Бусагъатда следствие законнга бузукълукъ этилгенине къошакъ шартла жыя турады. Низамны сакълаучугъа чапханды Следствие комитетни Къабарты-Малкъарда управлениясыны Май районда районла аралы следствие бёлюмю ол жерли эр кишиге Уголовный кодексни 318-чи статьясыны 1-чи кесегине кёре (право низамны сакълаучугъа ишин тамамлагъанда чабыуул этиу) терслеу иш ачханды. 2024 жылны 13 сентябринде МВД-ны Май районда бёлюмюню участковый полициясын Майский шахарда Ленин атлы орамда фатаргъа чакъыргъандыла. Анда полициячыны низамны бузмазгъа тилегине кеф болгъан эр киши чабыуул бла жууаплагъанды. Полицияны анга административ иш ачар ючюн бёлюмге элтирге излегенинде уа, тюйюшюрге да алланнганды. Следствие полициячыгъа чабыуул этилгенине шагъатлыкъланы жыя турады.
Поделиться:
Читать также:
09.07.2025 - 13:38 →
Жууапдан къутулмазына тюшюндюре
09.07.2025 - 13:37 →
Хыйла бла иги кесек ахча къымгъанды
09.07.2025 - 13:36 →
Шуёхлукъну ахыры – тутмакъ
07.07.2025 - 12:02 →
УФСБ: Ууну законсуз сатханлары ючюн - жазагъа
04.07.2025 - 15:09 →
Мюлкге шагъатлыкъ къагъытны къалай алыргъа боллукъду?
|