Социал болушлукъ алыргъа сюйгенлеге

Социал жумушлагъа льготалары болгъанла келир айны биринчисине дери аланы не халда алыргъа сюйгенлерин билдирирге керекдиле, дейдиле Къабарты-Малкъарда МФЦ-да.

Быллай болушлукъ тёрели халда ай сайын абериле бла бериледи. Ары жаланда радиациядан хата сынагъанла кирмейдиле: алагъа ахча тёленеди. Къалгъан къауумлагъа киргенле уа, алай алырча, биринчи октябрьге дери заявление жазаргъа керекдиле. Аны алгъын бергенле жангыдан жазып айланмасынла; инсан кесини оноуун тюрлендиргинчи, болушлукъ ахча бла берилип турлукъду.

Быйыл февральдан башлап, жыйымдыкъ социал жумушланы (НСУ) багъасына къошулгъанды, аланы бар ёлчеми бир айгъа 1578,50 сомду:

- дарманлагъа, медицина кереклеге, багъыу маталлы ашлагъа – 1215,8 сом бир айгъа;

- аурууланы профилактикасын этер умутда санатор-курорт багъыугъа путёвкагъа – 188,08 сом бир айгъа;

- шахарланы къатларында жюрюген темир жол транспортда, сора дагъыда шахарланы арасында жюрюген транспортда саулукъгъа къаратырыкъ жерге барыргъа эмда андан къайтыргъа бир айгъа – 174,62 сом.

Заявленияны МФЦ-ны къайсы бёлюмюнде сюйсегиз да, анда берирге эркинсиз.